नारायणमान बिजुक्छे
नारायणमान बिजुक्छे
सम्पर्क: ६६१००२६
इमेल: nwpp@ntc.net.np
ठेगाना: भक्तपुर
नेपाल मजदुर किसान पार्टीका अध्यक्ष का नारायणमान बिजुक्छे (रोहित) को जन्म वि।सं. १९९६ साल फागुन २६ गते भक्तपुर (बागमती अञ्चल) को सुकुलढोका-८ मा भएको थियो । पिता गणेशमान बिजुक्छे र माता सूर्यमाया बिजुक्छेका पाँच भाइ छोराहरूमध्ये उहाँ जेठो हुनुहुन्छ । रोहितका प्रकाशित कृतिहरू हुन्- 'नेपालको कम्युनिष्ट आन्दोलनमा खोटा विचारहरूको खण्डन', 'विश्वका प्रसिद्ध मजदुर आन्दोलनहरू', 'नेपाल-भारतसम्बन्ध र भारत', 'चार रचना', 'आत्मनिर्भरताको प्रश्न र नेपालको आर्थिक विकास' तथा 'कोरिया भ्रमण' अादी छन् । साहित्यको क्षेत्रमा उहाँ- 'हरिबहादुर श्रेष्ठ'को उपनाममा लेख्नुहुन्छ । उत्तर कोरिया, क्यूबा, लाओस, भियतनाम, कम्बोडिया र चीन उहाँका मनपर्ने ठाउँ हुन् । कार्ल माक्र्स, एङेल्स, लेनिन, स्टालिन, माओ त्से तुङ, हो चि मिन्ह र किम इल सुङलाई आदर्श मान्नुहुन्छ ।
नेपाली, हिन्दी र अंग्रेजीका साथसाथै मातृभाषा नेवारी राम्ररी लेख्नु र बोल्नुहुन्छ । भक्तपुरको पद्म माध्यमिक र शारदा रात्रि माध्यमिक विद्यालय एवम् भक्तपुर कलेजमा पढ्नुभयो । २०१०-११ सालमा गौरमा नेत्रदान कार्यक्रममा स्वयंसेवक, ०१२ सालमा रौतहटका बाढी पीडितहरूको सहायताका लागि कम्युनिष्ट पार्टीको र्यालीमा सहभागिता, ०१३ सालमा विद्यार्थी फेडरेशनको सदस्य, ०१७-१८ मा युनियन (कलेज) को अध्यक्ष, ०१५ सालताका मार्क्सवादी अध्ययन सर्कलमा संलग्न, ०१६-१७ मा भक्तपुर जिल्ला कमिटीको अध्यक्ष , ०१६ सालमा चीनमा उपचारार्थ रहनुभयो ।
नारायणमान बिजुक्छेका प्रकाशनहरु
चिनियाँ जन-कम्युन
सन् १९४९ को क्रान्तिभन्दा पहिले चिनियाँ जनता भित्री र बाहिरी शत्रुहरूबाट सा¥है शोषित थिए । जापान, बेलायत, फ्रान्स, संरा अमेरिका आदि साम्राज्यवादीहरूबाट क्रान्तिभन्दा पहिले चिनियाँ जनता कति शोषित थिए भन्ने कुरो एक दुई पन्ना लेखेर सकिने कुरा होइन ।
समाज विकासकाे एक झलक
वरिष्ठ राजनीतिज्ञ एवम् नेपाल मजदुर किसान पार्टीका अध्यक्ष नारायणमान बिजुक्छेँको साहित्यिक नाम हरिबहादुर श्रेष्ठ हो । उहाँका दर्जनौँ साहित्यिक एवम् वैचारिक कृतिहरू प्रकाशित छन् । स्रस्टा समाज नेपालद्वारा प्रकाशित ‘समाज विकासको एक झलक’ मानव समाजको विकासक्रमबारे जानकारी दिने मौलिक कृति हो । सन् १९७० को दशकमा भारत प्रवासमा रहँदा किसान कार्यकर्तालगायत सर्वसाधारण जनतालाई राजनीतिक र वैचारिक कक्षा सञ्चालनको निम्ति तयार पारिएको अध्ययनको टिपोटबाट तयार गरिएको पुस्तक ‘समाज विकासको एक झलक’ हो ।
चीन यात्रा
क्रान्तिको समयमा यस स्वास्थ्यनिवास बनेको ठाउँमा च्याङ काईशेकको ग्रीष्म दरबार बनाउन जम्मै मालसामानहरू जोडिराखेको थियो । शाङ्घाईका मजदुरहरूले हाङचाउलाई मुक्त गरेपछि १९५४ अगस्टमा शाङ्घाई मजदुर युनियनले स्वास्थ्य निवास बनाउन सुरु गर्यो र १९५५ अगस्ट महिनामा सिध्याएको थियो ।
जेलका चिठ्ठीहरु
का नारायणमान बिजुक्छेका चिठ्ठीहरुकफ संकलन
अक्टोवर क्रान्ति र यसको महत्व
प्रथम, २०५४ कार्तिक २२
दोश्रो , २०८१ कार्तिक
रुसी संशोधनवाद सामाजिक साम्राज्यवादमा पतन
रुसी संशोधनवाद सामाजिक साम्राज्यवादमा पतन